«Барселона» клуби Миср терма жамоасига қарши кечадиган ўртоқлик учрашуви олдидан Испания терма жамоаси мураббийлар штабига мурожаат йўллади.
Ижтимоий тармоқлардаги The Touchline саҳифаси хабарига кўра, «кўк-анорранглилар» Испания томонидан бўлажак баҳсда жамоа юлдузи Ламин Ямаль хизматидан тўлиқ фойдаланмасликни сўраган. Каталония гранди Бразилия ва Франция (1:2) ўртасидаги ўйинда Рафинья жароҳат олганидан сўнг жиддий хавотирга тушиб қолган. Эслатиб ўтамиз, ушбу жароҳат туфайли бразилиялик вингер беш ҳафтага сафдан чиқди.
Испания ва Миср терма жамоалари ўртасидаги учрашув сешанба куни, 31 мартда бўлиб ўтади. Учрашув Тошкент вақти билан тунги соат 00:00 да старт олиши кутилмоқда.
