Шотландия ва Япония терма жамоалари ўртасидаги ўртоқлик учрашуви якунланди. Учрашув 1:0 ҳисобида японлар фойдасига қайд этилди.

Ўйин Шотландиянинг Глазго шаҳридаги «Хэмпден Парк» стадионида бўлиб ўтди. Бош ҳакам вазифасини австралиялик Шон Эванс бажарди.

Баҳснинг 84-дақиқасида Дзюня Ито ягона гол муаллифи бўлди.

2026 йилги жаҳон чемпионатида Шотландия С гуруҳида Бразилия, Марокаш ва Гаити терма жамоаларига қарши майдонга тушади. Япония эса гуруҳ босқичида Нидерландия, Тунис ва кейинроқ маълум бўладиган яна бир жамоа билан куч синашади.

Мусобақа 11 июндан 19 июлга қадар АҚШ, Канада ва Мексика ҳудудларида бўлиб ўтади. Жаҳон чемпионати тарихида илк бор 48 та терма жамоа иштирок этади ва улар 4 тадан жамоадан иборат 12 та гуруҳга бўлинади.

Ўртоқлик учрашуви.
28 март, шанба. 22:00.
Шотландия — Япония — 0:1
Гол: Ито, 84