29 март тонгида Мексика ва Португалия терма жамоалари ўртасидаги ўртоқлик учрашуви якунланди. Учрашув Мексика пойтахти Мехикодаги «Ацтека» стадионида бўлиб ўтди ва 0:0 ҳисобидаги дуранг билан тугади.

Аввалроқ португалияликлар етакчиси, юлдуз ҳужумчи Криштиану Роналду сон орқа мушаги жароҳати сабаб Мексика ва АҚШга қарши ўйинлар учун жамоа таркибига киритилмагани хабар қилинган эди.

2026 йилги жаҳон чемпионатида Мексика А гуруҳида Жанубий Африка, Жанубий Корея ва Европа саралаш босқичидаги плей-офф ғолиби (Дания — Чехия жуфтлиги) билан ўйнайди. Португалия эса гуруҳ босқичида Ўзбекистон, Колумбия ҳамда қитъалараро плей-офф ҳал қилувчи босқичи ғолиби (ДР Конго — Ямайка) билан куч синашади.

Ўртоқлик учрашуви.
29 март, якшанба. 06:00
Мексика — Португалия — 0:0