Англия терма жамоасининг 8 футболчиси Япония билан бўладиган ўртоқлик учрашувидан олдин ўз клубларига қайтди. Уйин сешанба, 31 март куни бўлиб ўтади. Бу ҳақда Крэйг Хоуп ўз X ижтимоий тармоғида хабар берди.
Инсайдер маълумотига кўра, Деклан Райс ва Букайо Сака Уругвайга қарши ўйиндан (1:1) кейин тиббий кўрик учун Лондоннинг «Арсенал» клубига қайтди.
Шунингдек, Нони Мадуэке («Арсенал»), Жон Стоунз («Манчестер Сити») ва Адам Уортон («Кристал Пэлас») ҳам жароҳатлар сабаб клубларига қайтди.
Шунингдек, дарвозабон Аарон Рамсдейл, ҳимоячи Фикайо Томори ва ҳужумчи Доминик Калверт-Льюин Японияга қарши ўйинни кутиб ўтирмасдан, мос равишда «Ньюкасл», «Милан» ва «Лидс» клубларига йўл олишди.













