«Ювентус» бош мураббийи Лучано Спаллетти мавсумлар оралиғида таркибни кучайтиришни кўзламоқда. Мутахассиснинг шартномаси июнь ойида ниҳоясига етади, бироқ яқин орада у узайтирилади.
Журналист Николо Скиранинг маълумотига кўра, устоз аллақачон бешта трансфер мақсадини белгилаб берган: унга янги ҳужумчи, топ-даражадаги ярим ҳимоячи, қанот ҳимоячиси, марказий ҳимоячи ва тажрибали дарвозабон керак.
Лучано Спаллетти ўтган йилнинг кузида Игор Тудорнинг ўрнини эгаллаб, «кекса синьора» бошқарувига келган эди. 30 турдан сўнг жамоа А Серия турнир жадвалида бешинчи ўринни эгаллаб турибди. 6 апрель куни «бьянконерилар» ўз майдонларида «Дженоа»га қарши баҳс олиб боришади.
