«Yuventus» bosh murabbiyi Luchano Spalletti mavsumlar oralig‘ida tarkibni kuchaytirishni ko‘zlamoqda. Mutaxassisning shartnomasi iyun oyida nihoyasiga yetadi, biroq yaqin orada u uzaytiriladi.

Jurnalist Nikolo Skiraning ma’lumotiga ko‘ra, ustoz allaqachon beshta transfer maqsadini belgilab bergan: unga yangi hujumchi, top-darajadagi yarim himoyachi, qanot himoyachisi, markaziy himoyachi va tajribali darvozabon kerak.

Luchano Spalletti o‘tgan yilning kuzida Igor Tudorning o‘rnini egallab, «keksa sinyora» boshqaruviga kelgan edi. 30 turdan so‘ng jamoa A Seriya turnir jadvalida beshinchi o‘rinni egallab turibdi. 6 aprel kuni «byankonerilar» o‘z maydonlarida «Djenoa»ga qarshi bahs olib borishadi.