«Барселона» президенти Жоан Лапорта ҳужумчи Лионель Мессининг 2021 йилда Каталония клубидан кетгани ҳақида фикр билдирди.

«Мессининг кетишими? Бу мен ҳамиша ёдда тутадиган воқеа. Шунингдек, Лео айнан мен президент бўлган даврда асосий жамоада дебют қилгани ҳақида ўйлашни яхши кўраман. Ва мен президентлик қилган кўп йиллар давомида у дунёнинг энг яхши футболчиси бўлиб келди. Кейин эса мен бир қарорга келишимга тўғри келди ва ўйлайманки, тўғри йўл тутдим... Натижаларнинг ўзи ҳаммасини айтиб турибди.

Биз клуб иқтисодиётини тиклашга муваффақ бўлдик, рақобатбардош жамоа туздик ва авлодлар алмашинуви вақти келган эди. Лео ўз фаолиятининг сўнгги босқичида эди, бизга эса янги жамоа қуриш керак эди. Мен янги жамоани Лео билан бирга қуришни истармидим? Ҳа. Биз бунга ҳаракат қилдик, лекин ўхшамади», — дея Лапортанинг сўзларини келтиради «Barca Universal».

Лионель Месси 2003 йилдан 2021 йилгача «Барселона»нинг асосий жамоасида тўп сурган. Умумий ҳисобда Лео «кўк-анорранглилар» сафида 778 та ўйин ўтказиб, уларда 672 та гол урди ва 303 та голли узатмани амалга оширди.