«Манчестер Юнайтед» ярим ҳимоячиси Бруну Фернандеш фаолиятини Саудия Арабистонида давом эттириши мумкин эди.
Журналист Тайрон Маршаллнинг маълумотларига кўра, 2025 йилнинг ёзида «Ал-Ҳилол» португалиялик футболчи билан шартнома имзолашга қизиқиш билдирган. Саудия клуби «қизил иблислар»га футболчининг трансфери учун 100 миллион фунт стерлинг, ўйинчининг ўзига эса ҳафтасига 700 минг фунт стерлинг миқдорида маош таклиф қилишга тайёр эди. Бир неча ҳафталик музокаралардан сўнг, Фернандеш ушбу таклифни рад этишга қарор қилган.
Жорий мавсумда португалиялик футболчи Манчестер клуби сафида барча турнирларда 30 та ўйинда майдонга тушиб, 8 та гол урди ва 17 та голли узатмани амалга оширди.
