Бугун, 29 март куни Франция ва Колумбия терма жамоалари ўртасида ўртоқлик учрашуви бўлиб ўтади. Ушбу баҳсда «Милан»нинг марказий ярим ҳимоячиси Адриен Рабьо французларга ёрдам бера олмайди.
Хавбек «уч ранглилар»нинг ўйиндан олдинги машғулотини ўтказиб юборди. Францияликлар бош мураббийи Дидье Дешамнинг сўзларига кўра, Рабио машғулотдаги тўқнашувдан сўнг тизза соҳасида ноқулайлик ҳис қилмоқда. Эҳтиёт чораси сифатида футболчи Колумбияга қарши учрашув қайдномасидан ташқарида қолдирилади.
Жорий мавсумда 30 ёшли Рабио клуб миқёсида 25 та ўйинда иштирок этиб, бешта гол урди ва бешта голли узатмани амалга оширди.
