Ўзбекистоннинг 16 ёшгача бўлган ўсмирлар терма жамоаси назорат учрашувида Тошкентнинг «Локомотив» U-19 жамоаси устидан йирик ҳисобда ғалаба қозонди.
Айдер Қурбаев шогирдлари ўзларидан ёши катта бўлган рақибни 5:2 ҳисобида мағлуб этди. Ўзбекистон ўсмирлар терма жамоасининг асосий таркибида майдонга Алмаз Аюпов, Хожиакбар Зулфиқоров, Азизулло Экинжонов, Яҳё Насруллоев, Розимурод Розимуродов, Камолиддин Акбаралиев, Давид Шадрин, Абубакр Маматов, Ҳасан Уролов, Абдуллоҳ Холмаматов ва Ҳусан Уролов тушишди.
Ғолиб жамоа сафида Хожиакбар Зулфиқоров, Давид Шадрин, Абдуллоҳ Холмаматов, шунингдек, захирадан майдонга тушган Улуғбек Хайруллаев ва Эммануэль Эминкпайр гол урди.













