«Наполи» ҳужумчиси Ромелу Лукаку, эҳтимол, А Серияни тарк этишдан олдинги сўнгги мавсумини ўтказмоқда.
Журналист Николо Скиранинг хабар беришича, бельгиялик футболчи Жаҳон чемпионатидан сўнг неаполликлар сафини тарк этиши эҳтимоли жуда юқори. 32 ёшли футболчига аллақачон Туркия ва Саудия Арабистони чемпионатлари вакиллари, шунингдек, унинг қадрдон клуби бўлмиш «Андерлехт» қизиқиш билдирмоқда.
Яқинда Ромелу Лукакунинг «Наполи» таркибидан чиқариб юборилиши мумкинлиги ҳақида ҳам маълумотлар пайдо бўлди. Форварднинг амалдаги шартномаси 2027 йилнинг ўрталаригача мўлжалланган, унинг трансфер қиймати эса Transfermarkt баҳосига кўра 12 миллион еврони ташкил этади.
