«Napoli» hujumchisi Romelu Lukaku, ehtimol, A Seriyani tark etishdan oldingi so‘nggi mavsumini o‘tkazmoqda.

Jurnalist Nikolo Skiraning xabar berishicha, belgiyalik futbolchi Jahon chempionatidan so‘ng neapolliklar safini tark etishi ehtimoli juda yuqori. 32 yoshli futbolchiga allaqachon Turkiya va Saudiya Arabistoni chempionatlari vakillari, shuningdek, uning qadrdon klubi bo‘lmish «Anderlext» qiziqish bildirmoqda.

Yaqinda Romelu Lukakuning «Napoli» tarkibidan chiqarib yuborilishi mumkinligi haqida ham ma’lumotlar paydo bo‘ldi. Forvardning amaldagi shartnomasi 2027 yilning o‘rtalarigacha mo‘ljallangan, uning transfer qiymati esa Transfermarkt bahosiga ko‘ra 12 million yevroni tashkil etadi.