«Ливерпуль»нинг чап қанот ҳимоячиси Эндрю Робертсон «Милан» қизиқишлари доирасига тушиб қолди.

32 ёшли футболчи «қизиллар» сафини эркин агент сифатида тарк этиши мумкин — унинг шартномаси жорий мавсум якунида ўз ниҳоясига етади. Журналист Экрем Конурнинг хабар беришича, «Милан» шотландиялик футболчини ўз сафига қўшиб олиш имкониятини кўриб чиқмоқда. Италия гранди раҳбарияти Первис Эступиньяннинг келажагига шубҳа билан қарамоқда, шу сабабли бозордаги турли вариантларни ўрганмоқда.

Шунингдек, Эндрю Робертсон номи Мадриднинг «Атлетико» ва «Тоттенхэм» клублари билан ҳам боғланмоқда. Унинг ўз ватанига қайтиши ҳам истисно этилмайди, у ерда «Селтик» футболчига даъвогарлик қилмоқда. Латераль «Ливерпуль» шарафини 2017 йилдан бери ҳимоя қилиб келади.