«Кристал Пэлас» марказий ҳимоячиси Максанс Лакруа ёзги трансфер ойнасида жамоасини ўзгартириши мумкин.
TEAMtalk нашрининг хабар беришича, яқинда Бразилияга қарши ўйинда (2:1) Франция миллий терма жамоаси сафида дебют қилган 25 ёшли француз футболчисига «Астон Вилла», «Бавария», «Челси» ва «Ливерпуль» клублари қизиқиш билдирмоқда.
Жорий мавсумда Лакруа барча турнирларни ҳисобга олган ҳолда 43 та ўйинда майдонга тушди, ўз ҳисобига учта гол ва иккита голли узатмани ёздириб қўйди.
Лакруанинг «Кристал Пэлас» билан меҳнат шартномаси 2029 йилгача мўлжалланган. Transfermarkt мутахассислари футболчининг қийматини 40 миллион еврога баҳоламоқдалар.
