Ўзбекистон миллий терма жамоаси FIFA Series ўртоқлик турнири доирасида бугун Венесуелага қарши муҳим баҳсни ўтказди.
Фабио Каннаваро бошқарувидаги жамоа кучли рақибга қарши муносиб жанг қилди. 90 дақиқа давомида ҳисоб очилмагач, турнир ғолибини аниқлаш мақсадида пенальтилар сериясига навбат берилди.
Ўзбекистон миллий жамоасининг барча беш нафар футболчиси аниқ зарба бериб, ўз имкониятларидан максимал фойдаланишди. Бугун дарвозамизни қўриқлаган Абдувоҳид Неъматов рақибнинг учинчи зарбасини қайтаришга муваффақ бўлди.
FIFA Series турнири
Ўзбекистон — Венесуела - 0:0. Пенальтилар серияси — 5:4
30-март. “Бунёдкор” стадиони













