Германия ва Гана терма жамоалари ўртасидаги ўртоқлик учрашуви бўлиб ўтди. Жамоалар Германиянинг Штутгарт шаҳридаги «Штутгарт Арена» стадионида баҳс олиб боришди. Мазкур баҳсда Европа вакиллари 2:1 ҳисобида ғалаба қозонди.

45+3-дақиқада Германия ҳужумчиси Кай Хаверц пенальтидан ҳисобни очди. 70-дақиқада африкаликлар ҳужумчиси Иссааку Фатаву ҳисобни тенглаштирди. 88-дақиқада эса Дениз Ундав Германияга ғалаба келтирган голни урди.

Аввалроқ, 27 март куни Германия Швейцарияни 4:3 ҳисобида мағлуб этган эди. Шу куни Гана эса Австрияга 1:5 ҳисобида йирик мағлубиятга учраганди.

Ўртоқлик ўйини
30 март 2026 йил, душанба.
Германия — Гана — 2:1
Голлар: 1:0 — Кай Хаверц (45+3, пенальти), 1:1 — Иссааку Фатаву (70), 2:1 — Дениз Ундав (88)