«Ан-Наср» ҳужумчиси Жоау Феликс 2025 йил ёзида «Челси»дан Саудия клубига кутилмаган ўтишининг сабабини тушунтирди.

«Мен «Челси»да бахтли эдим, бу топ-клуб, аммо мен ўзим тўғри деб ҳисоблаган қарорни қабул қилишим керак эди. Жаҳон чемпионатида иштирок этиш имконияти ҳам ҳал қилувчи омил бўлди. Жаҳон чемпионати ҳар тўрт йилда ўтказилади, мен эса ўйнамаётгандим. Шунга қарамай, «Челси»даги вақтимдан завқ олдим, шунинг учун шундай танлов қилдим», — деди Феликс Фабрицио Романо орқали.

Июль ойи охирида «Ан-Наср» 25 ёшли португалиялик футболчининг «Челси»дан трансферини расман эълон қилди. Битим суммаси 30 миллион евро ва қўшимча 20 миллион евро бонусларни ташкил этган.

Феликс «Челси»дан ташқари «Бенфика», «Атлетико», «Барселона» ва «Милан» клубларида ҳам тўп сурган. Жорий мавсумда у Саудия клуби сафида 37 та учрашувда иштирок этиб, 21 та гол урди ва 15 та голли узатмани амалга оширди.