«An-Nasr» hujumchisi Joau Feliks 2025 yil yozida «Chelsi»dan Saudiya klubiga kutilmagan o‘tishining sababini tushuntirdi.

«Men «Chelsi»da baxtli edim, bu top-klub, ammo men o‘zim to‘g‘ri deb hisoblagan qarorni qabul qilishim kerak edi. Jahon chempionatida ishtirok etish imkoniyati ham hal qiluvchi omil bo‘ldi. Jahon chempionati har to‘rt yilda o‘tkaziladi, men esa o‘ynamayotgandim. Shunga qaramay, «Chelsi»dagi vaqtimdan zavq oldim, shuning uchun shunday tanlov qildim», — dedi Feliks Fabrisio Romano orqali.

Iyul oyi oxirida «An-Nasr» 25 yoshli portugaliyalik futbolchining «Chelsi»dan transferini rasman e’lon qildi. Bitim summasi 30 million yevro va qo‘shimcha 20 million yevro bonuslarni tashkil etgan.

Feliks «Chelsi»dan tashqari «Benfika», «Atletiko», «Barselona» va «Milan» klublarida ham to‘p surgan. Joriy mavsumda u Saudiya klubi safida 37 ta uchrashuvda ishtirok etib, 21 ta gol urdi va 15 ta golli uzatmani amalga oshirdi.