«Фенербахче»нинг французлик ярим ҳимоячиси Н’Голо Канте ўтган ёзда «Париж» клубига ўтиши мумкин бўлганини тан олди, шунингдек, фаолиятини ўз ватанида якунлаш эҳтимоли ҳақида гапирди.
«Ўтган ёзда «Париж» ва яна бир қатор бошқа клублар билан музокаралар олиб бордик. Якунда трансфер амалга ошмади, лекин биз кўрсатилган қизиқишни ҳурмат қиламиз. Нима учун фаолиятимни Францияда тугатмаслигим керак? Ҳамма нарса бўлиши мумкин», — деди Канте. Унинг сўзларидан Goal.com иқтибос келтирмоқда.
35 ёшли хавбек қишда «Ал-Иттиҳод»дан эркин агент сифатида «Фенербахче» сафига келиб қўшилган эди. Ўшандан бери у Туркия клуби сафида 10 та ўйинда майдонга тушиб, битта гол уришга муваффақ бўлди. Қизиқарли жиҳати шундаки, Франция терма жамоаси Н’Голо Канте таркибда бўлган ЖЧ ва Евро ўйинларининг асосий вақтида бирор марта ҳам мағлубиятга учрамаган.
