"Барселона" ярим ҳимоячиси Фермин Лопес жамоа жорий мавсумда Чемпионлар лигасида зафар қучишига ишонишини билдирди.
"Ҳозирда биз Ла Лигада биринчи ўриндамиз ва ушбу динамикани сақлаб қолишимиз керак. Чемпионлар лигасида ҳам худди шундай. Бу жуда мураккаб турнир, унда тақдирни майда деталлар ҳал қилади ва кўплаб жамоалар ғолиб чиқиши мумкин, лекин умид қиламанки, "Барселона" ғалаба қозонади", — дея Лопеснинг сўзларини келтиради Barça Universal.
Эслатиб ўтамиз, "Барселона" Испания чемпионати турнир жадвалида 29 та ўйиндан сўнг 73 очко жамғарган ҳолда пешқадамлик қилмоқда. Мадриднинг "Реал" клуби билан орадаги фарқ 4 очкони ташкил этади.
