"Barselona" yarim himoyachisi Fermin Lopes jamoa joriy mavsumda Chempionlar ligasida zafar quchishiga ishonishini bildirdi.

"Hozirda biz La Ligada birinchi o‘rindamiz va ushbu dinamikani saqlab qolishimiz kerak. Chempionlar ligasida ham xuddi shunday. Bu juda murakkab turnir, unda taqdirni mayda detallar hal qiladi va ko‘plab jamoalar g‘olib chiqishi mumkin, lekin umid qilamanki, "Barselona" g‘alaba qozonadi", — deya Lopesning so‘zlarini keltiradi Barça Universal.

Eslatib o‘tamiz, "Barselona" Ispaniya chempionati turnir jadvalida 29 ta o‘yindan so‘ng 73 ochko jamg‘argan holda peshqadamlik qilmoqda. Madridning "Real" klubi bilan oradagi farq 4 ochkoni tashkil etadi.