Босния ва Герцеговина терма жамоаси сардори Эдин Жеко Жаҳон чемпионати йўлланмаси учун кечадиган ҳал қилувчи баҳс олдидан ўз фикрларини билдирди. Боснияликлар ўз уйларида кетма-кет иккита Жаҳон чемпионатини ўтказиб юборган Италия терма жамоасини қабул қилишади.
"Мен Италия футболини яхши биламан ва уни яхши кўраман. У ерга жуда тез мослашиб кетгандим. Аммо ҳозир уларда энди Тотти ва Дель Пьеро каби футболчилар йўқ. Аввалгидек юқори сифат даражаси қолмаган", — дея Жеконинг сўзларини келтиради УЕФА расмий сайти.
Эслатиб ўтамиз, ўтиш ўйинларининг аввалги босқичида боснияликлар Уэльс тўсиғидан пенальтилар сериясида ўтишган (асосий ва қўшимча вақтда 1:1), Италия эса Шимолий Ирландияни (2:0) мағлуб этган эди.
