"Милан" клуби яқин орада жамоа "Партизан" клубидан иқтидорли ҳужумчи Андрей Костич билан тўлишини эълон қилди.
Италия клубининг собиқ черногориялик юлдузи Деян Савичевичдан ушбу футболчи ҳақида фикр сўрашди.
"Ростини айтсам, мендан бу ҳақда ҳеч ким сўрамади. Бу ҳақда ОАВ орқали ўқидим. Менимча, у истиқболли ўйинчи, гарчи унинг иштирокидаги ўйинларни кам кўрган бўлсам-да. Ҳар қандай ҳолатда ҳам, бундай ишларда сабр-тоқат доимо фойдали бўлади", — дея Савичевичнинг сўзларини келтиради pianetamilan.it.
Эслатиб ўтамиз, Савичевич 1992 йилдан 1998 йилгача "Милан" шарафини ҳимоя қилган.
