Халқаро футбол федерацияси (ФИФА) президенти Жанни Инфантино Эрон терма жамоаси 2026 йилги Жаҳон чемпионатида иштирок этишини ва гуруҳ босқичидаги ўйинларини аввалдан режалаштирилганидек АҚШда ўтказишини маълум қилди.
"Эрон Жаҳон чемпионатида қатнашади. Биз бундан хурсандмиз, чунки бу жуда ва жуда кучли жамоа. Мен жамоани кўрдим, футболчилар ва мураббий билан суҳбатлашдим, шунинг учун ҳаммаси жойида. Эроннинг ўйинлари қуръа натижаларига кўра қаерда ўтказилиши керак бўлса, ўша ерда бўлиб ўтади", — дея Инфантинонинг сўзларини келтиради The Guardian нашри.
Аввалроқ Эрон футбол федерацияси президенти Маҳди Тож ташкилот Эрон терма жамоасининг ЖЧ-2026 доирасидаги ўйинларини АҚШдан Мексикага кўчириш бўйича музокаралар олиб бораётганини хабар қилган эди.
