Германия терма жамоаси бош мураббийи Юлиан Нагельсманн "Бавария" ярим ҳимоячиси Жамал Мусиала Жаҳон чемпионати бошланишига қадар аъло даражадаги спорт формасида бўлишига қанчалик ишониши ҳақидаги саволга жавоб берди.
"Мен катта умид боғлаяпман. Лекин унга босим ўтказишни истамайман. Унинг ўзи ўзига катта босим ўтказади, бу нормал ҳолат. Агар у тикланиб, Жаҳон чемпионатида ўйнай олса, барчамиз жуда хурсанд бўлардик. У шуни биладики, агар яхши формада бўлса, дунёдаги жуда кам сонли мураббийларгина усиз иш тута олиши мумкин", — деди Нагельсманн матбуот анжуманида.
Эслатиб ўтамиз, 2025 йилнинг июль ойида Мусиала Клублар ўртасидаги жаҳон чемпионати доирасидаги "ПСЖ"га қарши ўйинда кичик болдир суяги синиши ва пайлар шикастланиши жароҳатини олган эди. Жамал операцияни бошдан кечирди ва майдонга фақат шу йилнинг бошида қайтди.
