«Челси» ва Испания терма жамоаси чап қанот ҳимоячиси Марк Кукурелья Муҳаммад Салоҳнинг яқин орада «Ливерпуль»ни тарк этиши ҳақидаги фикрлари билан ўртоқлашди.
Ўтган ҳафтада мисрлик ҳужумчи жорий мавсум якунланганидан сўнг «қизиллар» сафини тарк этиши маълум бўлган эди.
«Салоҳ — чиндан ҳам ажойиб футболчи. Мен учун унга қарши ўйнаш доимо жиддий чақириқ бўлиб келган. У «Ливерпуль» ва бутун Премьер-лиганинг афсонасидир. Бу ўзига хос ўйинчи, шу сабабли кўпчилик уни соғиниб қолади. Умид қиламанки, фаолиятининг кейинги босқичи ҳам муваффақиятли кечади», — дея Кукурельянинг сўзларини Anything Liverpool нашри келтирмоқда.
Муҳаммад Салоҳ 2017 йилнинг ёзидан буён «Ливерпуль» шарафини ҳимоя қилиб келмоқда.
