«Chelsi» va Ispaniya terma jamoasi chap qanot himoyachisi Mark Kukurelya Muhammad Salohning yaqin orada «Liverpul»ni tark etishi haqidagi fikrlari bilan o‘rtoqlashdi.
O‘tgan haftada misrlik hujumchi joriy mavsum yakunlanganidan so‘ng «qizillar» safini tark etishi ma’lum bo‘lgan edi.
«Saloh — chindan ham ajoyib futbolchi. Men uchun unga qarshi o‘ynash doimo jiddiy chaqiriq bo‘lib kelgan. U «Liverpul» va butun Premyer-liganing afsonasidir. Bu o‘ziga xos o‘yinchi, shu sababli ko‘pchilik uni sog‘inib qoladi. Umid qilamanki, faoliyatining keyingi bosqichi ham muvaffaqiyatli kechadi», — deya Kukurelyaning so‘zlarini Anything Liverpool nashri keltirmoqda.
Muhammad Saloh 2017 yilning yozidan buyon «Liverpul» sharafini himoya qilib kelmoqda.
