Мексика терма жамоаси 2026 йил ёзида бўлиб ўтадиган жаҳон чемпионатига тайёргарлик доирасида Бельгияга қарши ўртоқлик учрашуви ўтказди. Ўйин Мехико шаҳридаги «Ацтека» стадионида бўлиб ўтди ва 1:1 ҳисобида дуранг билан якунланди.

Учрашувнинг 19-дақиқасида мексикалик ҳимоячи Хорхе Санчес ҳисобни очди. Иккинчи бўлим бошида, 46-дақиқада бельгиялик ярим ҳимоячи Доди Лукебакио мувозанатни тиклади. Қолган вақтда ҳисоб ўзгармади ва жамоалар 1:1 ҳисобида дуранг ўйнашди.

Ушбу жамоалар охирги марта 2017 йил ноябрь ойида ўзаро ўртоқлик учрашувида тўқнаш келган эди. Ўшанда ҳам баҳс 3:3 ҳисобида дуранг билан якунланган.

Аввалроқ ўтказилган ўртоқлик учрашувида Бразилия терма жамоаси Хорватияни 3:1 ҳисобида мағлуб этганди.

Ўртоқлик ўйини
2026 йил 1 апрель, чоршанба. 06:00
Мексика — Бельгия — 1:1
Голлар: Санчес 19 (1:0), Лукебакио 46 (1:1)