«Барселона»нинг собиқ футболчиси Жерар Пике Мадриднинг «Реал» клуби ўйини ҳақида ўз фикрларини билдирди.

Машҳур собиқ ҳимоячи «қаймоқранглилар»нинг «Манчестер Сити»га қарши баҳсини ёдга олди. Альваро Арбелоа жамоаси икки ўйин натижасига кўра 5:1 ҳисобида ғалаба қозониб, Чемпионлар лигасининг 1/4 финалига ишонч билан йўл олди.

«Реал» шундай темпга кириб олдики... Жамоа қандай футбол ўйнаётганини ҳам тушунмайман, лекин бу уларга ғалаба қозонишга халақит бермаяпти. «Сити»га қарши жавоб ўйинини кўрдим, агар рақиб сафида четлатиш бўлмаганида, «Реал»нинг барча 11 футболчиси ўз дарвоза тўсинига осилиб олиб, тўп қайтарган бўларди, лекин шунда ҳам улар барибир кейинги босқичга чиқишарди», — дея Пикенинг сўзларини Sport нашри келтирмоқда.

Эслатиб ўтамиз, Чемпионлар лигаси чорак финалида Мадрид гранди «Бавария» билан тўқнаш келади.