Бразилия терма жамоаси ўртоқлик учрашувида Хорватия устидан 3:1 ҳисобида ғалаба қозонди.

«Шахматчилар» 84-дақиқада ҳисобни тенглаштиришган эди, бироқ Карло Анчелотти шогирдлари ўйин сўнггида иккита гол уриб, ғалабани илиб кетишди.

Баҳс якунлангач, «пентакампеонлар» устози Мадриднинг «Реал» клубидаги биргаликдаги фаолияти орқали яхши танийдиган шогирди Лука Модричга юзланди: «Сенинг бразилиялик бобонг йўқми мабодо?» – дея ҳазил аралаш сўради Анчелотти. Бу ҳақда Испания ОАВлари хабар бермоқда.

40 ёшли Модрич учрашувнинг 60-дақиқасига қадар ҳаракат қилди ва шундан сўнг алмаштирилди. Эслатиб ўтамиз, ўтган йилнинг ёзида хавбек «Реал»ни тарк этиб, эркин агент сифатида «Милан»га ўтган эди.