Аргентина терма жамоаси бош мураббийи Лионель Скалони Лионель Мессининг сермаҳсуллиги ҳақида ўз фикрларини билдирди.

«Интер Майами»нинг 38 ёшли футболчиси Замбияга қарши кечган ўртоқлик учрашувида аргентиналикларнинг йирик ғалабасига ҳисса қўшди ва 43-дақиқада рақиб дарвозасини ишғол қилди. Бу ҳужумчи фаолиятидаги 902-гол бўлди.

«Ўйлайманки, агар Месси ўйнашда давом этса, 1000 та гол уради. Умид қиламанки, у жамоада қолади, чунки у ўзини майдонда жуда қулай ҳис қилмоқда. Барчамиз уни шу ерда кўришни истаймиз», — дея Скалонининг сўзларини келтирмоқда The Touchline.

Лионель Месси бўлажак жаҳон чемпионатига бориш-бормаслиги борасида ҳали бир қарорга келмаган. Форварднинг «Интер Майами» билан амалдаги шартномаси 2028 йилнинг охиригача мўлжалланган.