Англия терма жамоасининг собиқ футболчиси Рио Фердинанд «Реал» ярим ҳимоячиси Жуд Беллингемнинг ўйини ҳақида ўз фикрини билдирди. У хавбек Англия терма жамоасининг ҳақиқий етакчисига айланиши кераклигини таъкидлади.

«Мен Беллингем Англия терма жамоаси учун муҳим паллаларда ҳал қилувчи ролни ўйнайдиган инсон бўлишини истайман. У терма жамоа учун худди Фрэнк Лэмпарддек бўлишини ва аввалроқ "Реал"да қилгани каби муҳим голларни уришини хоҳлайман», — деди Фердинанд ўз подкастида.

Жуд Беллингем 2020 йилдан буён Англия терма жамоаси шарафини ҳимоя қилиб келмоқда. У «уч шерлар» сафида 46 та ўйин ўтказиб, 6 та гол муаллифига айланган.