Angliya terma jamoasining sobiq futbolchisi Rio Ferdinand «Real» yarim himoyachisi Jud Bellingemning o‘yini haqida o‘z fikrini bildirdi. U xavbek Angliya terma jamoasining haqiqiy yetakchisiga aylanishi kerakligini ta’kidladi.
«Men Bellingem Angliya terma jamoasi uchun muhim pallalarda hal qiluvchi rolni o‘ynaydigan inson bo‘lishini istayman. U terma jamoa uchun xuddi Frenk Lemparddek bo‘lishini va avvalroq "Real"da qilgani kabi muhim gollarni urishini xohlayman», — dedi Ferdinand o‘z podkastida.
Jud Bellingem 2020 yildan buyon Angliya terma jamoasi sharafini himoya qilib kelmoqda. U «uch sherlar» safida 46 ta o‘yin o‘tkazib, 6 ta gol muallifiga aylangan.
