"Манчестер Сити" ва Аргентина терма жамоасининг собиқ ҳужумчиси Серхио Агуэро "альбиселесте"нинг ҳозирги ўйин даражасини юқори баҳолади.
"Ўйлайманки, Лионель Скалони жамоанинг 2022 йилги Жаҳон чемпионати давридаги ғолиблик руҳини сақлаб қолишга ҳаракат қилмоқда. Гарчи Анхель Ди Мария каби айрим асосий ўйинчилар энди терма жамоада ўйнамаётган бўлса-да, мураббийлар штаби ўтмишдаги етакчиларнинг кетишини сезилтирмайдиган футболчиларни топа олди.
Скалони жамоанинг асосий ўзагини сақлаб қолди, бу жуда муҳим. Ғалабаларга чанқоқ ва Аргентина терма жамоасида ўйнаш нима эканини тушунадиган ёш футболчиларни жамоага чақириш ҳам яхши қарор бўлди. Эҳтимол, уларда тажриба бироз камдир, бироқ жамоадаги кайфият учун фахрий футболчилар жавоб беришади", — дея Агуэронинг сўзларини келтиради Goal.com.
