Чехия терма жамоаси бош мураббийи Мирослав Коубек шогирдлари жаҳон чемпионатига йўлланма олганидан сўнг ўз фикрларини билдирди. Ҳал қилувчи баҳсда чехлар Данияни пенальтилар сериясида 3:1 ҳисобида мағлуб этишди (асосий вақт — 1:1, қўшимча вақтлар билан — 2:2).
«Футболчилар мени қўлларида кўтариб айлантиришганда кўзларимга ёш келди. Бу жамоа учун ҳам, шахсан мен учун ҳам энг катта муваффақиятдир», — дея мураббийнинг сўзларини келтирмоқда УЕФА расмий сайти.
Мирослав Коубек ўтган йилнинг декабрь ойида вақтинчалик мураббий Ярослав Кёстль ўрнига Чехия терма жамоаси жиловини ўз қўлига олган эди. Кёстль саралаш баҳсида Фарер оролларидан учралган мағлубият (1:2) сабаб истеъфога чиқарилган Иван Гашекдан сўнг жамоани бир неча ой бошқарганди.
Чехия 2006 йилдан бери илк бор жаҳон чемпионатида иштирок этади. Жамоа "A" гуруҳида Жанубий Корея, Жанубий Африка Республикаси ва Мексика терма жамоаларига қарши баҳс юритади.
