Дарвозабон Георгий Мамардашвили ёзда клуб рўйхатини ўзгартириши мумкин. El Chiringuito TV хабарига кўра, Мадриднинг «Атлетико» клуби грузиялик футболчи билан шартнома имзолашга ҳаракат қилиши мумкин. Бу фақат Ян Облак Мадрид клубини тарк этган тақдирда юз беради.
Облакнинг «Атлетико»дан кетиши борасидаги миш-мишлар анчадан бери юрибди. 33 ёшли словениялик посбон Саудия Арабистони клубларидан бирига йўл олиши мумкинлиги ҳақида маълумотлар пайдо бўлган эди.
Transfermarkt портали мутахассислари Ян Облакни 17 миллион еврога баҳоламоқдалар. 25 ёшли Георгий Мамардашвилига келсак, унинг нархи 28 миллион еврони ташкил этади. Ушбу мавсумда грузиялик дарвозабон «Ливерпуль» сафида 13 та ўйинда иштирок этди.
