Англия матбуоти терма жамоанинг ўртоқлик учрашувидаги Коул Палмернинг ўйинидан норози бўлди. Инглизлар японларга 0:1 ҳисобида имкониятни бой беришди.

BBC: "Челси" ҳужумчиси таркибда "ёлғончи тўққизлик" сифатида ҳаракат қилган Фил Фоденнинг ўрнини эгаллади. Палмер тўп билан бўлганида нимадир содир бўладигандек туюлди, бироқ якунда унинг хатоси ва тўпни йўқотиши Япониянинг голига сабаб бўлди.

Goal: Палмерга тўлиқ ижодий эркинлик берилди, аммо у жуда кам иш қилди ва доимий равишда тўпни йўқотди, бу эса Митоманинг голи билан якунланди.

FourFourTwo: Футболчи учун оғир оқшом. Гол ўтказиб юборилгандан сўнг, у ўйинга таъсир ўтказиш учун ҳаддан ташқари кўп ҳаракат қилди ва якунда жарима зарбасини кўкка совурди.

Бир неча кун олдин Англия терма жамоаси бошқа бир ўртоқлик учрашувида Уругвайни мағлуб эта олмаган эди — 1:1.