Англия терма жамоаси бош мураббийи Томас Тухель Японияга қарши кечган ўртоқлик учрашувидаги (0:1) мағлубият ҳақида ўз фикрларини билдирди.
"Албатта, бу ёқимсиз. Мағлубиятга учраш доим аламли, айниқса, ўз уйингда бўлса. Менимча, бизни жиддий хато учун эмас, балки биринчи бўлимдаги битта қарши ҳужум учун жазолашди. Бироқ бизга мана шундай ўйинлар керак. Бу осон рақиб эмас, биз бир қатор футболчилар хизматидан фойдалана олмадик, шу сабабли яна янги тактикани қўллашга мажбур бўлдик. Биз ушбу экспериментни амалга оширдик, энди эса хатолар устида ишлаш керак", — дея Тухелнинг сўзларини келтиради englandfootball.
2026 йилги Жаҳон чемпионатида Англия терма жамоаси "L" гуруҳида Хорватия, Гана ва Панама терма жамоалари билан куч синашади.
