Angliya terma jamoasi bosh murabbiyi Tomas Tuxel Yaponiyaga qarshi kechgan o‘rtoqlik uchrashuvidagi (0:1) mag‘lubiyat haqida o‘z fikrlarini bildirdi.

"Albatta, bu yoqimsiz. Mag‘lubiyatga uchrash doim alamli, ayniqsa, o‘z uyingda bo‘lsa. Menimcha, bizni jiddiy xato uchun emas, balki birinchi bo‘limdagi bitta qarshi hujum uchun jazolashdi. Biroq bizga mana shunday o‘yinlar kerak. Bu oson raqib emas, biz bir qator futbolchilar xizmatidan foydalana olmadik, shu sababli yana yangi taktikani qo‘llashga majbur bo‘ldik. Biz ushbu eksperimentni amalga oshirdik, endi esa xatolar ustida ishlash kerak", — deya Tuxelning so‘zlarini keltiradi englandfootball.

2026 yilgi Jahon chempionatida Angliya terma jamoasi "L" guruhida Xorvatiya, Gana va Panama terma jamoalari bilan kuch sinashadi.