«Манчестер Юнайтед» ва Англия терма жамоасининг собиқ ҳимоячиси Рио Фердинанд ҳужумчи Маркус Рэшфорд «уч шерлар»нинг асосий таркибида майдонга тушиши кераклигини таъкидлади.

«Агар биз Жаҳон чемпионатида муваффақиятга эришишни истасак, Маркус Рэшфорд бошланғич таркибда бўлиши лозим. Ҳозирги вақтда у Англия терма жамоасидаги энг яхши футболчи. Фоден, Палмер ва Гордон рақиб дарвозасига бирорта ҳам аниқ зарба йўллай олишмади. Рэшфорд эса бор-йўғи 19 дақиқа ўйнаб, майдонда кўпроқ фойда келтирди, бунинг ўзи ҳамма нарсани айтиб турибди», — дея Фердинанднинг сўзларини келтиради Touchline нашри.

Маркус Рэшфорд 2016 йилдан буён Англия терма жамоаси шарафини ҳимоя қилиб келмоқда. У миллий жамоа сафида жами 70 та ўйин ўтказиб, 18 та гол уришга муваффақ бўлган.