Марказий ҳимоячи Жон Стоунс жорий мавсум якунида «Манчестер Сити»ни тарк этишга яқин турибди. «Шаҳарликлар» футболчига янги меҳнат шартномаси таклиф қилиш ниятида эмаслар.
Teamtalk журналистларининг маълумотларига кўра, 31 ёшли футболчини ўз сафига қўшиб олишга «Эвертон» клуби қизиқиш билдирмоқда. Стоунснинг шартномаси 2026 йилнинг июнь ойи охирида тугаши сабабли, «ирислар» уни бепул қўлга киритишлари мумкин.
Жон 2016 йилнинг августидан бери «Манчестер Сити» шарафини ҳимоя қилиб келмоқда. Ҳозирда Стоунснинг бозор қиймати 15 миллион еврога баҳоланмоқда.
Жорий мавсумда ҳимоячи Англия Премьер-лигасида бор-йўғи еттита учрашувда майдонга тушди ва самарали ҳаракатлари билан ажралиб турмади.
