«Челси» ярим ҳимоячиси Энцо Фернандес фаолиятини Мадриднинг «Реал» клубида давом эттиришга тайёр.

25 ёшли футболчи «қаймоқранглилар» учун ушбу келишувни амалга ошириш қийин бўлишини тушуниб турибди, бироқ ўз трансферини тезлаштириш учун бор имкониятини ишга солмоқда. Журналист Хорхе Пиконнинг таъкидлашича, айнан шу сабабли кейинги пайтларда аргентиналик футболчи «қироллик клуби»га ўтиш истагига очиқчасига ишора қилмоқда — шу йўл билан у трансфернинг нақадар реал эканлигини тушуниб олмоқчи.

Яқинда берган интервьюсида Энцо Фернандес Мадридда яшашни хоҳлашини айтган эди — албатта, бу «Реал» учун ўзига хос сигнал сифатида қабул қилинди. Ярим ҳимоячининг «Челси» билан шартномаси 2032 йилгача мўлжалланган, шу сабабли унинг сотилиш эҳтимоли у қадар юқори эмас.