«Chelsi» yarim himoyachisi Enso Fernandes faoliyatini Madridning «Real» klubida davom ettirishga tayyor.
25 yoshli futbolchi «qaymoqranglilar» uchun ushbu kelishuvni amalga oshirish qiyin bo‘lishini tushunib turibdi, biroq o‘z transferini tezlashtirish uchun bor imkoniyatini ishga solmoqda. Jurnalist Xorxe Pikonning ta’kidlashicha, aynan shu sababli keyingi paytlarda argentinalik futbolchi «qirollik klubi»ga o‘tish istagiga ochiqchasiga ishora qilmoqda — shu yo‘l bilan u transferning naqadar real ekanligini tushunib olmoqchi.
Yaqinda bergan intervyusida Enso Fernandes Madridda yashashni xohlashini aytgan edi — albatta, bu «Real» uchun o‘ziga xos signal sifatida qabul qilindi. Yarim himoyachining «Chelsi» bilan shartnomasi 2032 yilgacha mo‘ljallangan, shu sababli uning sotilish ehtimoli u qadar yuqori emas.
