Бразилия миллий терма жамоаси устози Карло Анчелотти бўлажак 2026 йилги Жаҳон чемпионатидан нималар кутаётгани ҳақида гапирди.
«Турнир олдидан ҳеч қандай ҳаяжон сезмаяпман. Мен бахтлиман ва юқори даражада мотивацияга эгаман. Жамоамиз ўзига ишонади. Ҳозирда Бразилия терма жамоасида ажойиб муҳит ҳукм сурмоқда. Биз мундиал олдидан мутлақо хотиржам ҳолатдамиз», — дея мутахассиснинг сўзларини келтиради инсайдер Фабрицио Романо ижтимоий тармоқларда.
Жаҳон чемпионатининг гуруҳ босқичида Бразилия терма жамоаси Марокаш, Шотландия ва Гаити миллий жамоалари билан тўқнаш келади. Нуфузли турнир 11 июндан 19 июлга қадар АҚШ, Канада ва Мексикада бўлиб ўтади.
