Мадриднинг «Реал» клуби ярим ҳимоячиси Эдуардо Камавинга келаётган ёзда жамоасини ўзгартириши мумкин.

Франциялик футболчи «қаймоқранглилар»нинг асосий таркибида доимий ўринга эга эмас, шу сабабли матбуотда унинг эҳтимолий кетиши ҳақида гап-сўзлар кўпайган. Diario AS нашрининг маълумотларига кўра, Англия Премьер-лигаси грандлари ва «ПСЖ» 23 ёшли футболчига жиддий қизиқиш билдирмоқда. «Реал» раҳбарияти ҳали якуний қарорга келгани йўқ, футболчининг ўзи ҳам фаолиятини қаерда давом эттиришини ҳозирча белгилаб олмаган.

Эдуардо Камавинганинг бозор қиймати Transfermarkt экспертлари томонидан 50 млн еврога баҳоланмоқда, унинг амалдаги меҳнат шартномаси эса 2029 йилнинг ўрталарига қадар мўлжалланган. Ярим ҳимоячи жорий мавсумда ўтказилган 34 та ўйинда иккита гол урди ва бир марта голли узатмани амалга оширди.