Италия терма жамоаси ярим ҳимоячиси Мануэль Локателли «скуадра адзурра»нинг 2026 йилги Жаҳон чемпионатига чиқа олмагани ҳақида фикр билдирди. Ҳал қилувчи ўтиш ўйинида италияликлар Босния ва Герцеговинага имкониятни бой беришди (1:1, пенальтилар бўйича 1:4).
«Кўзларимда ёш, ўзимни бутунлай тугагандек ҳис қиляпман. Жамоа бор кучини берди, мен йигитлар билан фахрланаман. Жаҳон чемпионатига чиқишни истагандик, аммо бу ўхшамади — бу ҳақиқий омадсизлик. Бизни қўллаб-қувватлаган барчага раҳмат», — дейилади футболчининг ижтимоий тармоқлардаги хабарида.
Таъкидлаш жоизки, Италия терма жамоаси қаторасига учинчи Жаҳон чемпионатини ўтказиб юборадиган бўлди.
Мундиал 11 июндан 19 июлга қадар Шимолий Америкада бўлиб ўтади.
