Англия футбол ассоциацияси (FA) 2025 йил февралидан 2026 йил февралигача бўлган давр учун маълумотларни эълон қилди. Унга кўра, ушбу давр мобайнида АПЛ клублари томонидан агентларга 460 миллион фунт стерлингдан ортиқ маблағ ўтказиб берилган.

«Челси» ушбу кўрсаткич бўйича барчани ортда қолдирди ва агентларга АПЛ учун рекорд даражадаги 65 миллион фунт тўлади.

Рўйхатда кейинги ўринни агентлар учун 38,4 млн фунт сарфлаган «Астон Вилла» эгаллади. Кейинги ўринлардан «Манчестер Сити» (37,36 млн), «Ливерпуль» (33,8 млн), «Арсенал» (32,15 млн), «Манчестер Юнайтед» (31,78 млн), «Вулверхэмптон» (25,96 млн), «Тоттенхэм» (21,38 млн) ва бошқалар жой олди.

АПЛ клублари орасида энг сўнгги ўринни «Бёрнли» эгаллади — клуб 12 ой ичида агентларга 7,36 миллион фунт тўлаган.

Шунингдек, FA хабарига кўра, Чемпионшип клублари ушбу даврда агентлик тўловлари учун 69,7 млн фунт сарфлаган бўлса, Биринчи лига жамоалари учун бу рақам 14 млн фунтни, Иккинчи лига жамоалари учун эса 2,6 млн фунтни ташкил этди.