"ПСЖ" бош мураббийи Луис Энрике жамоа ярим ҳимоячиси Фабиан Руиснинг соғлиғи борасидаги сўнгги маълумотларни очиқлади. Испаниялик футболчи тиззасидаги жароҳатдан сўнг тикланиш жараёнини давом эттирмоқда.
Эртага бўлиб ўтадиган «Тулуза»га қарши баҳс олдидан Луис Энрике Руиснинг майдонга тушиш имкониятлари ҳақида тўхталиб ўтди:
«Эртанги ўйинга кимлар тайёр эканлигини билиш учун бугун оқшомдаги машғулотларни кутишимиз керак. Фабианга келсак, унда ижобий силжиш бор, аҳволи яхшиланмоқда. Бироқ барибир кичик шубҳа сақланиб қолган. Бундай жароҳатларда маълум вақт кутиш табиий ҳол. Унинг сафга қайтаётгани — ажойиб янгилик, лекин биз бироз кутишимиз керак».
Шундай қилиб, испаниялик ярим ҳимоячининг Лига 1 доирасидаги эртанги баҳсда иштирок этиши сўроқ остида турибди. Тиббий штаб футболчининг соғлиғини хавф остига қўймаслик учун уни қайдномага киритмаслиги ҳам мумкин.
