Руминия терма жамоаси бош мураббийи Мирча Луческу миллий жамоадаги фаолиятини якунлашга қарор қилди.

80 ёшли мутахассис ўзини ёмон ҳис қилиб, шифохонага ётқизилганидан сўнг бу ҳақда яқинларига маълум қилган. Луческу терма жамоа саралаш босқичида қўйилган вазифани бажара олмагани сабабли Братиславада Словакияга қарши бўлиб ўтадиган ўйиндан сўнг лавозимини тарк этиши кутилаётган эди. Бироқ соғлиғидаги муаммолар туфайли у жамоа билан бирга ўйинга йўл ололмади.

Шу тариқа, афсонавий мураббий қарийб ярим аср давом этган фаолиятини якунламоқда. У ўз фаолияти давомида 35 та соврин ютиб, футбол тарихидаги энг кўп титулга эга мутахассислардан бирига айланган эди.

Луческу Европанинг қатор клублари, жумладан, Донецкнинг «Шахтёр», Киевнинг «Динамо», Туркиянинг «Галатасарой» ва «Бешиктош» ҳамда Миланнинг «Интер» жамоаларидаги фаолияти билан машҳур.