«Эвертон» клуби ливерпулликлар сафида ижара асосида тўп сураётган вингер Жек Грилишни ўз таркибида сақлаб қолмоқчи. Бироқ «ирислар» раҳбарияти ҳозирча футболчини «Манчестер Сити»дан тўлиқ сотиб олишга тайёр эмас. Бу ҳақда The Athletic нашри хабар бермоқда.
«Эвертон» раҳбарияти «шаҳарликлар» билан тузилган ижара шартномасида кўрсатилган тахминан 50 млн евро миқдоридаги маблағни тўлаш ниятида эмас. Бундан ташқари, ливерпулликларни Грилишнинг молиявий талаблари ҳам иккилантирмоқда — футболчи тахминан 1,3 млн евро маош олмоқда. Айни дамда энг эҳтимолли вариант — ижара муддатини узайтириш бўлиб турибди.
Эслатиб ўтамиз, англиялик футболчи 2025 йилнинг ёзида ижара асосида «Эвертон»га ўтган эди. Жорий мавсумда Грилиш 22 та ўйинда майдонга тушиб, иккита гол ва олтита голли узатмани амалга оширди.
